Skip to main content Skip to page footer
Urubuga rwemewe rwa Leta y’u Rwanda
Ibitaro bya Kabaya

Incamake

Amateka y'ibitaro bya Kabaya

Ibitaro by’Akarere bya Kabaya ni ibitaro bya Leta biherereye mu Murenge wa Kabaya, mu Karere ka Ngororero, mu Ntara y’Iburengerazuba y’u Rwanda.

Ibitaro byashinzwe mu mwaka wa 1982, kandi bitanga serivisi z’ubuvuzi zitandukanye ku baturage bo mu gace bibarizwamo. Muri izo serivisi harimo ubuvuzi bw’abarwayi barwarira mu bitaro, ubuvuzi bw’abarwayi baza kwisuzumisha badasabye kurara mu bitaro, serivisi z’ubutabazi bw’indembe, serivisi z’ubuzima bw’umubyeyi, serivisi zo kubaga, serivisi z’ubuvuzi bw’abana, ndetse na serivisi z’ubuvuzi bwihariye.

Ibitaro by’Akarere bya Kabaya byiyemeje gutanga serivisi z’ubuvuzi zinoze, ziboneka kandi zibanda ku murwayi. Binagira uruhare mu guteza imbere ubuzima bw’abaturage, gukumira indwara no guteza imbere ubumenyi n’uburezi mu by’ubuvuzi.

Ibitaro bikorera mu byiciro bine by’ingenzi:

  1. Ibiro by’Umuyobozi Mukuru w’Ibitaro
  2. Serivisi z’Ubuvuzi n’Izindi Serivisi z’Inzobere mu Buzima
  3. Ishami ry’Abaforomo n’Ababyaza
  4. Ishami ry’Ubuyobozi n’Imari

II. URWEGO RWA SERIVISI ZITANGIRWA KU BITARO BYA KABAYA

Serivisi z’ubuvuzi zitangirwa ku Bitaro by’Akarere bya Kabaya zigabanyijemo ibyiciro bine by’ingenzi: Serivisi z’abarwayi batarara mu bitaro, Serivisi z’abarwayi barara mu bitaro, Serivisi z’ubutabazi bw’indembe n’imbangukiragutabara, ndetse na serivisi zunganira ubuvuzi.

Buri cyiciro kigizwe n’amashami n’imitwe ishinzwe imirimo yihariye.

1. Serivisi z’abarwayi batarara mu bitaro

Izi serivisi zikubiyemo:

  • Serivisi rusange z’abarwayi baje kwisuzumisha (OPD)
  • Serivisi z’abarwayi baje kwisuzumisha mu byiciro byihariye, zirimo:
    • Ubuvuzi bw’indwara z’amaso
    • Ubuvuzi bw’amenyo
    • Serivisi z’indwara zitandura (NCDs)
    • Serivisi zita ku bana n’abangavu (PDC)
    • Serivisi zita ku bafite Virusi Itera SIDA (HIV)
    • Serivisi z’ubuzima bwo mu mutwe
    • Isange One Stop Center

2. Serivisi z’abarwayi barara mu bitaro

Ubuvuzi bw’indwara z’imbere mu mubiri (Internal Medicine)

  • Kwakira no kuvura abarwayi b’igitsina gabo n’igitsina gore barwaye indwara zisaba kurazwa mu bitaro.
  • Gutandukanya no kuraza ukwabo abarwayi bafite indwara zandura (Isolation).

Ishami ryo kubaga (Surgery)

  • Kwakira no kuraza abarwayi b’igitsina gabo n’igitsina gore bafite indwara zisaba kubagwa.
  • Kubaga indwara zikomeye (Major Surgeries).
  • Kubaga indwara zoroheje (Minor Surgeries).

Ishami ryita ku bana (Pediatrics)

  • Kwakira no kuraza abana barwaye kugira ngo bahabwe ubuvuzi bukwiye.

Ishami ryita ku bana bakivuka (Neonatology)

  • Serivisi yita ku bana bakivuka bakeneye ubuvuzi bwihariye no gukurikiranwa hafi, harimo no kubitaho mu byuma bibafasha gukomeza kubaho (incubators).
  • Kuraza no kuvura abana bakivuka barwaye.

Serivisi z’imirire (Nutrition)

  • Kuraza no kuvura abana bafite imirire mibi.
  • Gutanga inyigisho n’ubujyanama ku mirire.
  • Gukoresha ishami ry’imyigishirize n’imyitozo ngiro ku mirire (Nutrition Demonstration Unit).

Ishami ry’ababyeyi (Maternity Ward)

  • Kuraza no kwita ku bagore batwite n’ababyeyi.
  • Kwakira no gufasha mu kubyara bisanzwe.
  • Kwita ku babyeyi bafite ibibazo mu gihe cyo kubyara, harimo kubyara hakoreshejwe kubaga (Cesarean Section).
  • Gutanga serivisi zo kwita ku mugore utwite mbere yo kubyara (Antenatal Care).

3. Serivisi z’ubutabazi bw’indembe

Izi serivisi zikubiyemo:

  • Ishami ry’ubutabazi bw’indembe mu buvuzi
  • Ishami ry’ubutabazi bw’indembe z’abarwayi bakeneye kubagwa n’abakomeretse (Surgical Emergencies and Trauma)

4. SERIVISI ZUNGANIRA UBUVUZI

  • Laboratwari: harimo kwakira no gufata ibipimo by’abarwayi, isuzuma ry’indwara ziterwa na mikorobe (Microbiology), isuzuma ry’amaraso (Hematology), isuzuma ry’indwara zishingiye ku mikorere y’ubwirinzi bw’umubiri (Immuno-serology), ndetse na serivisi zijyanye n’igituntu (TB).
  • Serivisi z’isuzuma hakoreshejwe ibikoresho by’ikoranabuhanga (Medical Imaging): X-ray na Ultrasound.
  • Serivisi z’inyandiko n’amakuru y’abarwayi (Medical Records).
  • Farumasi: gutanga imiti no gutanga ubujyanama ku ikoreshwa ryayo.
  • Serivisi z’ubwunganizi mu gusubiza umurwayi ku murimo w’imubiri (Physiotherapy).
  • Serivisi zo kumesa (Laundry).
  • Igikoni (Kitchen).

Buri shami na buri serivisi bifite politiki n’amabwiriza rusange ndetse n’ayihariye asobanura intego z’ishami cyangwa serivisi, uburyo bwo kwita ku barwayi, imiterere y’imikorere ya serivisi ndetse n’abakozi bakenewe kugira ngo serivisi zitangwe neza.

IBYAKORWA MU KUVURA NO KWITA KU BARWAYI

  • Gutanga serivisi zo kwisuzumisha ku barwayi boherejwe n’ibindi bigo nderabuzima, haba ku bitaro no mu bikorwa byo kwegera abaturage (outreach), harimo:
    • Isuzuma rusange
    • Isuzuma n’ubuvuzi bw’indwara zo mu mutwe
    • Isuzuma n’ubuvuzi bw’indwara z’amaso
    • Gukurikirana abarwaye indwara zitandura (NCDs)
  • Kwita ku barwayi bafite indwara zandura, harimo HIV, igituntu (TB), na Hepatite.
  • Gutanga ubufasha mu gihe cy’ubutabazi bw’indembe mu buvuzi.
  • Gutanga ubufasha mu gihe cy’ubutabazi bw’indembe zisaba kubagwa.
  • Kwita ku bahuye n’ihohoterwa rishingiye ku gitsina (GBV).
  • Gutanga ubufasha ku babyeyi bafite ibibazo cyangwa imbogamizi mu gihe cyo kubyara.